محمود سعد
اللي شاف الفقرة الرياضية انهارده في صباح الخير يا مصر هيعرف انا باقول كده ليه
اولا : المذيع قدم الفقرة وهو بيقول : " طبعا القلعة البيضاء بتمر بازمة حادة ، والجماهير كلها ونادي الزمالك في نكد ومشاكل" ولما اتصل بمحمود سعد ، كان اول حاجة قالها الكابتن محمود " اولا : مافيش حاجة اسمها نكد في الزمالك ، الزمالك عمره ما هيصيبه نكد ابدا سواء محمود سعد موجود او لأ "
------------------------
المذيع : طب كابتن محمود احكيلنا بقي اللي حصل؟
" والله انا مستغرب اوي من اللي بتقوله الصحافة عندنا والكلام الغريب اللي بيقولوه علي لساني ، اقسم بالله العظيم اقسم بالله العظيم اقسم بالله العظيم وانا صايم ، الكلام اللي مكتوب في الجرايد غلط ومش صحيح ،
الحكاية ان ( قال حاجة كده ماسمعتهاش اوي) فجريت بسرعة علي مكان التدريب وسألت مستر هنري ايه اللي حصل يا كابتن ؟ ، فرد هنري : " نتكلم لما نخرج" فقلتله : " لأ نتكلم هنا عادي في الملعب" فرد هنري : " بصراحة بقي انا مش مرتاح للعمل معاك وياريت ترحل وتسيبني " فرد محمود : " مش انت اللي تقلي كده الادارة هي اللي تحدد" ثم استطرد الكابتن محمود حديثه قائلا : " وبعدين مشيت وسيبت الملعب وقعدت في مكتبي وبعدها بنص ساعة كان هنري ميشيل خرج من الملعب ، فازاي تقولوا اني طردته رغم اني خرجت قبله بنص ساعة ، اقسم بالله اقسم بالله هو ده اللي حصل واسألوا اي واحد كان موجود ، وبعدين انا اصلا ماكنتش عايز احكي لأني مايصحش اطلع مشاكل نادي الزمالك علي الصحافة والجرايد"
----------------------------
المذيع : طب خلاص يا كابتن محمود احنا مصدقينك ، بس الناس لازم تعرف الحقيقة وده حقهم
" وهو ده فعلا اللي حصل ، وبعدين الصحافة بتضخم الموضوع قوي ، الأهلي خرج من تلات اربع سنين قدام فريق انجلو وخسر 4/0 وماحدش اتكلم ، وبعدين انا انهارده فوجئت بحوار منشور في جريدة الجمهورية علي لساني ، واقسم بالله اقسم بالله اقسم بالله ماحدش خالص اصلا حاورني من الصحفيين ولكنهم بيكتبوا اللي علي مازجهم ( في اشارة لموضوع الخمرة )